عارفانہ کلام حمد نعت مقبت
بلبل نوید لائی پھولوں کى طشترى میں
دسویں بہار آئی صحرائے زندگى میں
گلشن میں گھومتى ہے شاخوں پہ جھومتى ہے
پھولوں کو چومتى ہے، بادِ سحر خوشى میں
مثلِ صبا پکاروں جا کر گلى گلى میں
فصلِ بہار آئی باغِ محمدىﷺ میں
جلوه فگن ہے کوئی پھر صورتِ علىؑ میں
پھر کھلبلى مچى ہے اربابِ خیبرى میں
شاہوں کو راس آئی در کى تیرے گدائی
جبریلؑ کى سعادت اس گھر کى چاکرى میں
انؑ کى وِلا عبادت، ان کى ثناء عبادت
مصروفِ بندگى ہوں مداحى نقى میں
اعجاز منقبت سے ساحر سا بے ہنر میں
جادو جگا رہا ہے اس رنگِ شاعرى میں
ساحر لکھنوی
سید قائم مہدی نقوی
No comments:
Post a Comment