عارفانہ کلام حمد نعت مقبت
جلوۂ فطرت، چشمۂ رحمت، سیرتِ اطہر ماشاءاللہ
حسنِ مکمل، فیضِ مسلسل، خیرِ سراسر ماشاءاللہ
سب نے سنا اعلانِ رسالتؐ، تقویٰ ہے معیارِ فضیلت
یکساں ٹھہرے ابیض و اسود، اصفر و احمر ماشاءاللہ
صورتِ فاتح غالب ہو کر، داخلِ مکہ جب ہوئے سرورؐ
ناقے پہ آئے، سر کو جھکائے حمد لبوں پر ماشاءاللہ
شانِ قناعت کا ہے شاہد، خندق کا ہر ایک مجاہد
ضربِ نبیؐ نے فتح و ظفر کے کھول دئیے در ماشاءاللہ
مونس و ہمدم ذکرِ خدا ہے، معرفتِ حق سرمایا ہے
شوق ہے مرکب، صبر ردا ہے، شانِ پیمبرؐ ماشاءاللہ
حفیظ تائب
No comments:
Post a Comment