مجھ سے ہنستے ہوئے جس دم وہ ملا عید کے دن

مجھ سے ہنستے ہوئے جس دم وہ مِلا عید کے دن

کُنج دل میں مِرے اک پھول کِھلا عید کے دن

کیا خبر کل تجھے کس بات پہ رونا پڑ جائے

خوب جی بھر کے تُو خوش ہو لے دِلا! عید کے دن

جانے کیا سوچ کے سینے سے لگایا اس کو

بر سرِ درِ راہگزر جو بھی مِلا عید کے دن

تا کہ دل سے مِرے ہر داغِ غمی دُھل جائے

ساقیا! مجھ کو تُو کچھ اتنی پِلا عید کے دن

ایسے مِلنے کو کبھی مِلنا نہیں کہتے ہیں

دل سے دل، ہاتھ سے تُو ہاتھ مِلا عید کے دن

آج اس نے بھی مجھے جان! کہا ہے ساحر 

میری چاہت کا مِلا مجھ کو صِلہ عید کے دن

پرویز ساحر