عارفانہ کلام حمد نعت مقبت
کون پانی کو اُڑاتا ہے ہوا کے دوش پر
کس نے بخشی پیڑ کو آتش پذیری سوچیے
کس کے لطفِ خاص سے نغمہ فشاں ہے سانس کی
دھیمی دھیمی، دھیری دھیری یہ نفیری سوچئے
کس کی شانِ کن فکاں سے پھوٹتا ہے خاک سے
یہ گیاہِ سبز کا فرشِ حریری سوچئے
کون دیتا ہے جوانی میں لہو کو حدتیں
کون کر دیتا ہے عاجز وقتِ پیری سوچئے
ہر دلِ بے مہر پر مُہریں لگا دیتا ہے کون
کون کرتا ہے عطا روشن ضمیری سوچئے
وادئ بطحا میں اک اُمی پیمبرﷺ بھیج کر
کس نے کی انسانیت کی د ستگیری سوچئے
انور مسعود
No comments:
Post a Comment