وطن سے پیار ہے جن کو انہیں سب سے محبت ہے

انہیں سب سے محبت ہے

وطن سے پیار ہے جن کو انہیں سب سے محبت ہے

وہ کرتے ہیں محبت اپنے گھر کے رہنے والوں سے

انہیں آرام دے کر خود مصیبت سہنے والوں سے

بزرگوں سے عقیدت ہے انہیں بچوں سے الفت ہے

غریبوں سے امیروں سے انہیں سب سے محبت ہے

وطن سے پیار ہے جن کو انہیں سب سے محبت ہے

محبت ہے پرندوں سے انہیں پیڑوں سے ہے رغبت

انہیں ہریالی بھاتی ہے انہیں کھیتوں سے ہے رغبت

وطن سے پیار ہے جن کو انہیں سب سے محبت ہے

انہیں یہ دھوپ یہ بادل یہ ورشا اچھی لگتی ہے

انہیں شاخوں پہ کوئل گھر میں چڑیا اچھی لگتی ہے

انہیں دریاؤں میں کشتی چلانا اچھا لگتا ہے

انہیں جھرنوں کے پانی میں نہانا اچھا لگتا ہے

وطن سے پیار ہے جن کو انہیں سب سے محبت ہے

عزیز انصاری