رُت بدلتی ہی نہیں موسم بدل جانے کے بعد
رات ڈھلتی ہی نہیں ہے دن نکل آنے کے بعد
نیند آتی ہے تھکن سے خواب میں ڈرتے ہیں لوگ
اور مسلسل بے یقینی آنکھ کُھل جانے کے بعد
موسم بے رنگ میں، شہرِ شکستہ خواب میں
کچھ نہیں بدلا مکینوں کے بدل جانے کے بعد
اک عذابِ حبس حرفِ حق ہے سینے پر گراں
دم کہاں آئے کسی دم، دم نکل جانے کے بعد
کون در کھولے گا اب ہجرت نصیبوں کے لیے
کس کے گھر جائینگے اب گھر سے نکل جانے کے بعد
اوریا مقبول جان
No comments:
Post a Comment