دیکھ آیا ہوں ہر اک دشت و بیاباں جاناں
کوئی ملتا ہی نہیں چاک گریباں جاناں
پھر دلِ زار کو لے آیا جنوں محفل میں
پھر ہوئی زلف تِری کھل کے پریشاں جاناں
ہم نے ہر شب کو بنا رکھا ہے عاشور کی شب
تم اگر روٹھ نہ جاؤ تو میں اک بات کہوں
خوب لگتے ہیں مجھے روٹھتے انساں جاناں
کیا غضب ہے کہ بجھاتے ہیں وہ اشکوں سے چراغ
جن کی آنکھوں سے ہوئے جشنِ چراغاں جاناں
مجھ سے ملنے کی ہے اک راہ نکالی اس نے
اب اسے راہ میں ملنے کے ہیں امکاں جاناں
جی بہلتا ہی نہیں پیمانۂ رم سے عاطفؔ
جب سے روٹھی ہے تِری چشمِ غزالاں جاناں
عاطف جاوید عاطف
No comments:
Post a Comment