خوشا کے وقت سے اذنِ سفر ملا ہے مجھے
تمام شہر سرِ رہگزر ملا ہے مجھے
میں ڈھال سکتا ہوں ہر شے کو اپنے سانچے میں
مِرے عزیز! بلا کا ہنر ملا ہے مجھے
یہ سوچتا ہوں مجھے کس طرح سے مل پاتا
الگ تھلگ ہوں میں اپنے قبیلے سے یکسر
یہ مرتبہ تِرے انکار پر ملا ہے مجھے
جہاں سے آتا ہے باہر یہ نیلگوں پانی
سلگتی ریت میں اک ایسا در ملا ہے مجھے
تو پھر میں کیسے بھلا پہنچا منزلِ جاں تک
نہ رہ ملی، نہ کوئی راہبر ملا ہے مجھے
مجھے لگا کوئی ہمزاد ہے فدا میرا
جو راستے میں اکیلا شجر ملا ہے مجھے
نوید فدا ستی
No comments:
Post a Comment