عذاب رت میں جو اترے وہ کیا صحیفے تھے

 عذاب رُت میں جو اُترے وہ کیا صحیفے تھے

گُلاب شہر کے حا کم ببُول زادے تھے

جو آج سر سے اُٹھا میر ے باپ کا سایہ

نظر پڑا ہے کہ کتنے یتیم بچے تھے

وہ جس کی لاش کو کاندھا دیا ہے غیروں نے

پرائے دیس میں اس کے بھی چار بیٹے تھے

اب ایک خوف بسا ہے تمام کمروں میں

وہ دن گئے کہ چھتوں پر بھی لوگ سوتے تھے

تمہارے بعد یہ احساس ہو رہا تھا مجھے

تمہارے ساتھ ہی پھولوں کے شہر ہوتے تھے

ہوا ہوئے ہیں زمانے کی تلخیوں میں مگر

ہمارے ذہن میں کتنے خیال پارے تھے

کلیم احسان بٹ