اگر نہ قتل کرا دیں منافقین مجھے
تو چُھو تلک نہیں سکتے مخالفین مجھے
پرائے سانپوں میں ہمت نہیں کہ حملہ کریں
ڈسے گا دیکھنا، اک مارِ آستین مجھے
عجب مٹھاس بھری نیند کے اثر میں ہوں
ہے تیرے ہاتھوں پِیا زہر انگبین مجھے
میں اس زمین پہ انسان بن کے اترا تھا
بنا دیا ہے مگر وقت نے، مشین مجھے
جلا کے دیکھو تو شمعیں تم اپنے حصے کی
کہ رات ظلم کی بجھنے کا ہے یقین مجھے
نہ کیوں کروں میں بھلا اختیار مذہبِ دل
قبول ہے یہ محبت کا سچا دِین مجھے
نہیں تھی جانِ رضا آسماں کو قدر مِری
فلک سے چھین کے لے آئی ہے زمین مجھے
احمد رضا راجا
No comments:
Post a Comment