کب کہا ولیوں سے نسبت چھوڑ یار
ہاں مگر اندھی عقیدت چھوڑ یار
تُو ہوس ہی سے نہیں نکلا ابھی
تُو کرے گا کیا محبت، چھوڑ یار
چار دن کی زندگی ہے بات سن
کر محبت اور نفرت چھوڑ یار
عشق کرتا اور ہو جاتا فنا
خودکشی ہی کر لی ثروت، چھوڑ یار
حل بتاتا ہوں اداسی کا تجھے
سوچتے رہنے کی عادت، چھوڑ یار
گر اداکاری ہے پھر تو ٹھیک ہے
عشق ہے تو پھر شکایت چھوڑ یار
فکر نہ کر رب ہے دانش آشنا
لوگوں کو کیسی وضاحت، چھوڑ یار
اعجاز دانش
No comments:
Post a Comment