موسم گل حیران کھڑا ہے
گھر کا گھر ویران پڑا ہے
دل کی بات بتائیں کیسے
یارو! وہ نادان بڑا ہے
ہم اور اس کو سجدہ کرتے؟
کافر نے بُہتان گھڑا ہے
جیون بھی فٹ پاتھ ہے جیسے
سڑکوں پر سامان پڑا ہے
موتی جیسے لفظ تھے جن کو
شعروں میں آسان جڑا ہے
کلیم احسان بٹ
رنگ اردو دنیا بھر کے نامور کلاسیک اور نوجوان اردو شعراء کے شاہکار کلام پر مبنی بلاگ🌷Rung E Urdu a blog of worldsfamous poetry of past & present era
No comments:
Post a Comment