عصرِ عاشور سے اس عرصۂ شب تک اب تک
استغاثے کی صدا آتی ہے سب تک، اب تک
در سے دوری کا سبب کچھ بھی ہو پر شہر کے بیچ
لوگ پہنچے ہی نہیں رحمتِ رب تک اب تک
اہلِ ایماں پہ ہوئی جن کی محبت واجب
ہم نہیں سیکھ سکے ان کا ادب تک اب تک
چودہ سو سال میں دعویٰ تو بہت سوں نے کیا
کوئی پہنچا نہیں اک مردِ عجب تک اب تک
ہم نے ان کو بھی سند ابنِ سند مان لیا
جن کا معلوم نہیں نام و نسب تک اب تک
کوئی لبیک کہے یا نہ کہے،۔ پر احمد
استغاثے کی صدا آتی ہے سب تک اب تک
احمد فرید
No comments:
Post a Comment