اک ملاقات تھی
منجمد جھیل میں
عکسِ آبِ رواں
میں نے دیکھا تو قدرت کا دستِ ہنر
آنکھ کے کیمرے پر ہوا منعکس
زندگی رنگ بنتی ہوئی کہکشاں
زندگی گلفشاں
میں نے موتی چنے
میں نے کلیوں گلابوں کی مالاؤں سے
خوشبوؤں کی یہ پیاری سی سوغات لی
اک حسیں رات لی
اس میں مرضی سے میں نے چراغاں کیا
اور پرستاں کا منظر نظر میں رکھا
ایک سے دوسری کوئی صورت گری
کرتے کرتے عجب راز کھلتے گئے
ظاہری حسن اوجھل ہوا آنکھ سے
اور نہاں سے عیاں کے چلے سلسلے
خواب بُنتے ہوئے
تار و روزن کے رشتے سے آگاہی کا
اک نیا در کھلا
علم وحکمت کے رازوں سے پردہ اٹھا
کُن کے خالق سے بڑھتے گئے رابطے
گھٹ گئے فاصلے
اک ملاقات تھی
اک حسیں رات تھی
سوزِ دل کی تپش اس قدر بڑھ گئی
موجِ جذبات تھی
بن گیا تھا حقیقت وہ رنگِ مجاز
کھل گیا حسنِ فطرت کے جلووں کا راز
نفیِ اوقات تھی
اک ملاقات تھی
شاہ روم ولی
ولی شاہ
No comments:
Post a Comment