عارفانہ کلام حمد نعت منقبت
یہ تو مانا کہ گنہ گار ہوں میں
صورتِ خامہ سیہ کار ہوں میں
ہوں سراپا میں پریشاں احوال
اور اچھے نہیں میرے اعمال
لیکن اس کا مجھ سے کھٹکا کیا ہے
پُرسشِ حشر کی پروا کیا ہے
شافعِ روزِ جزاؐ کا ہوں غلام
ہوں میں خاکِ رہِ اصحابِ کرام
اور ہیں جن کو ہے طاعت پر ناز
مجھ کو ہے آپؐ کی رحمت سے نیاز
ہے یہ امید کہ روزِ محشر
ہو گی مجھ پہ بھی عنایت کی نظر
شوق نیموی
No comments:
Post a Comment