عارفانہ کلام حمد نعت منقبت
جو وقتِ ذکرِ نعتِ مصطفیٰﷺ ہے
زبانِ خامہ پر صلِّ علیٰﷺ ہے
نہ کیوں کر شور ہو صلِّ علیٰ کا
تصور ہے جنابِ مصطفیٰﷺ کا
سوئے ہستی ہوئے جب رونق افروز
گری ابلیس پر برقِ جگر سوز
چمک اٹھا یکایک بختِ اسلام
زمیں پر گر پڑے منہ کے بل اصنام
یہ چھایا رعبِ حکمِ شاہِ اسریٰ
کہ کانپ اٹھا یکایک قصرِ کسریٰ
براقِ باد پا پر برق آسا
زمیں سے پہنچے تا عرشِ معلّیٰ
ہوا قربِ خداوندِ دو عالم
ہوئے کیا نیاز و ناز باہم
شوق نیموی
No comments:
Post a Comment