عارفانہ کلام حمد نعت منقبت
دلی سکون کو صدق و صفا ضروری ہے
نگاہِ پاک و دلِ بے ریا ضروری ہے
زمانے بھر کے غموں کا امین ہے شاعر
اسی لیے دلِ درد آشنا ضروری ہے
پیمبری ہے اگر شاعری تو شاعر کی
مشاہدے میں رہے چشم وا، ضروری ہے
سماجی بہتری قانون سے نہیں ممکن
ہر ایک فرد کو خوفِ خُدا ضروری ہے
ہے جن کو دعوۂ عشقِ نبیؐ ذکی ان کو
خیال عترتِ اطہار کا بھی ضروری ہے
شریکِ غم ہیں اگر ہم، شریکِ کار بنیں
کہ اتباعِ شہِؑ کربلا ضروری ہے
ذکی! ہے عشق غمِ زیست کی دوا مجھ کو
ہر ایک غم کے لیے زوا ضروری ہے
ذکی احمد
No comments:
Post a Comment