آئی اجل کو ٹالنے والے تمہیں تو ہو

عارفانہ کلام حمد نعت منقبت 

آئی اجل کو ٹالنے والے تمہیں تو ہو

تنکے میں جان ڈالنے تمہیں تو ہو

پُرساں جہاں میں جن کا نہ کوئی، نہ سرپرست

ان بے کسوں کو پالنے والے تمہیں تو ہو

لے ڈوبنے کو تھی جنہیں دل کی شکستگی

آقاﷺ! انہیں سنبھالنے والے تمہیں تو ہو

آتی ہے جس سے جاں تنِ بے جاں میں دفعتاً

ایسی نگاہ ڈالنے والے تمہیں تو ہو

ہر حال میں اٹھی ہے تمہاری طرف نظر

ہر حال میں سنبھالنے والے تمہیں تو ہو

آقاﷺ! مدد، کہ ناؤ مِری ڈوبنے کو ہے

گرداب سے نکالنے والے تمہیں تو ہو

ہر حادثے میں تم ہوئے اختر کے دستگیر

ہر حادثے کو ٹالنے تمہیں تو ہو

سید محمد مرغوب

اخترالحامدی الرضوی