عارفانہ کلام حمد نعت منقبت
عشق رسول پاکؐ ہی مومن کی جان ہے
اس کے بغیر زندگی ویراں مکان ہے
پہنچے ہیں چرچے عرش تک حبشی بلال کے
ایسی در حضورﷺ کے منگتوں کی شان ہے
مجھ کو جلائے گرمئی محشر کی کیا مجال
نقش کف رسولﷺ مِرا سائبان ہے
عاصی و شرمسار ہوں مایوس تو نہیں
روز شمار انﷺ کی شفاعت کا مان ہے
روز ازل سے در ترا ڈھونڈے جبیں مری
سر نہ اٹھاؤں پھر کبھی اتنی تھکان ہے
سرمد ملی ہے نسبت حسان لاکھ شکر
مجھ پر خدائے لم یزل یوں مہربان ہے
شاہنواز سرمد
No comments:
Post a Comment