پتھر کے تذکرے سے کعبے کی داستان تک
خوابِ سکوں میں انساں پہنچا کہاں کہاں تک
کب تک فریب کھائیں، زخموں کو پھول کہہ کر
سوچوں کو مصلحت کا ملبوس دیں کہاں تک
پھر پیڑ پیڑ چپ کا آسیب خیمہ زن ہے
ٹھہرے تو سبز کائی، سوکھے تو ریگِ دریا
ندی کی زندگی ہے موجِ رواں دواں تک
وہ لفظ ہوں کہ جس کے کھلتے نہیں معانی
وہ بحر ہوں کہ جس کا ملتا نہیں کراں تک
شہرِ سخن وراں میں سیلِ گماں نے رزمی
بام و درِ یقیں کا چھوڑا نہیں نشاں تک
خادم رزمی
No comments:
Post a Comment