اُلٹی تدبیر ہوئی جاتی ہے
کیسی تقدیر ہوئی جاتی ہے
بِن تمہارے مجھے ہر شکل خوشی
غم کی تصویر ہوئی جاتی ہے
آپ کی ایک نگاہِ خود بِیں
حاصلِ تیر ہوئی جاتی ہے
میری تخریب مِرے دل کے لیے
"اک تعمیر ہوئی جاتی ہے"
طولِ شامِ غمِ ہجراں کی قسم
زُلف زنجیر ہوئی جاتی ہے
آہ بھی ہائے تِری فُرقت میں
اب گلو گیر ہوئی جاتی ہے
ان کا نام آتا ہے لب تک عالم
مجھ سے تقصیر ہوئی جاتی ہے
سید عالم واسطی
No comments:
Post a Comment