اڑے تھے ذرے مگر آسمان تک نہ گئے

عارفانہ کلام نعتیہ کلام

اڑے تھے ذرے مگر آسمان تک نہ گئے

مِرے مبالغے بھی ان کی شان تک نہ گئے

سوائے نعتِ شہِ دو سراﷺ زمانے سے

کسی کے شعر بھی اگلے جہان تک نہ گئے

خوشا وہ گرد جو نعلینِ پا کو چھوتی تھی

خوشا وہ سنگ کہ جس سے نشان تک نہ گئے

وہاں وہاں پہ غلامِ شاہِ اممﷺ پہنچے

اڑان والوں کے جس جا گمان تک نہ گئے

کھلیں گے راز کہاں ان پہ لا مکاں والے

مکاں سے ہو کے جو مالک مکان تک نہ گئے

علی صابر رضوی