شروع کارِ محبت تو کر کہیں سے بھی

 شروع کارِ محبت تو کر کہیں سے بھی

کہ میرا کام چلے گا تِری نہیں سے بھی

یہاں کسی نے بھی مجھ کو گلے لگایا نہیں

مکان سے بھی گِلہ ہے مجھے مکیں سے بھی

اب ان کو تیسرا رستا کوئی دیا جائے

یہ لوگ تنگ ہیں دنیا سے اور دِیں سے بھی

ابھی تو صرف اتارے گئے ہو مسند سے

کبھی اٹھا لیے جاؤ گے تم زمیں سے بھی

وہ یاسمیں ہے جو میری ہے صرف میری مگر

میں جھوٹ بولتا رہتا ہوں یاسمیں سے بھی

کاشف مجید