آ بھی جا رُت بدل جائے گی
چاندنی رات ڈھل جائے گی
رُخ سے پردہ ہٹا لیجیے
میری حسرت نکل جائے گی
اُن کو لے آؤ چارہ گرو
میری حالت سنبھل جائے گی
تم نہ آؤ تو خط بھیج دو
کچھ طبیعت بہل جائے گی
ہے پریشاں سنبھالو ذرا
زُلف رُخ پر مچل جائے گی
تیرے بِن چاندنی میرے گھر
آج آئی، نہ کل آئے گی
تیرے کُوچے کی سرکش ہوا
خاک چہرے پہ مَل جائے گی
اےفنا! دل💗 لگا لوکہیں
زندگی رُخ بدل جائے گی
فنا بلند شہری
No comments:
Post a Comment