یہاں تو پھر وہی دیوار و در نکل آئے
کدھر سے یار چلے تھے کدھر نکل آئے
کہاں کا پائے وفا اور کہاں کا دشتِ طلب
کہ اب تو رستے کئی مختصر نکل آئے
ہوا رفیق نہ بے گار شوق میں کوئی
گریز کرتے ہیں سائے سے بھی مِرے احباب
کہیں ادھر سے نہ یہ آشفتہ سر نکل آئے
ہوا نہ کوئی بھی پرسانِ حال زندوں کا
مَرے ہوؤں کے کئی نوحہ گر نکل آئے
رہے ذرا دلِ خوں گشتہ پر نظر انجمؔ
اسی صدف سے عجب کیا گہر نکل آئے
انجم رومانی
No comments:
Post a Comment