لختِ جگر جو آنکھ سے نکلے اٹک اٹک
بے چین کر دیا مِرے دل کو کھٹک کھٹک
میری بھی مشتِ خاک کا ٹک پاس ہے ضرور
اے جامہ زیب! چلیو نہ دامن جھٹک جھٹک
یہ ناز اور کرشمہ کہاں ہے تدرو میں
نکلا چمن کی سیر کو وقتِ سحر گہی
زلفوں کی لی صبا نے بلائیں چٹک چٹک
کیفیتِ شراب سے سرخوش نہیں ہیں ہم
پیتے ہیں خونِ دل کی صراحی غٹک غٹک
غارت کرے جہاں کو تِری چشمِ ترک پر
عاشق سے دل چھنا لے وہ ابرو مٹک مٹک
توڑیں گے کوہِ غم کو صنم کی مدد سے سوزؔ
فرہاد ہم نہیں جو مریں سر پٹک پٹک
میر سوز دہلوی
No comments:
Post a Comment