سکوتِ شامِ خزاں ہے، قریب آ جاؤ
بڑا اداس سماں ہے، قریب آ جاؤ
نہ تم کو خود پہ بھروسا نہ ہم کو زعمِ وفا
نہ اعتبارِ جہاں ہے، قریب آ جاؤ
رہِ طلب میں کسی کو کسی کا دھیان نہیں
جو دشتِ عشق میں بچھڑے وہ عمر بھر نہ ملے
یہاں دھواں ہی دھواں ہے، قریب آ جاؤ
یہ آندھیاں ہیں تو شہرِ وفا کی خیر نہیں
زمانہ خاک فشاں ہے، قریب آ جاؤ
فقیہِ شہر کی مجلس نہیں کہ دور رہو
یہ بزمِ پیرِ مغاں ہے، قریب آ جاؤ
فرازؔ دور کے سورج غروب سمجھے گئے
یہ دورِ کم نظراں ہے، قریب آ جاؤ
احمد فراز
No comments:
Post a Comment