بیکراں دشت بے صدا میرے
آ کھلے بازوؤں میں آ میرے
صاف شفاف سبز فرش تِرا
گرد آلودہ دست و پا میرے
سرکش و سر بلند بام تِرا
بے ستوں خیمۂ ثبات تِرا
محو صحرا نقوش پا میرے
شبِ ہجراں کہ لازوال تِری
غم کہ آمادۂ فنا میرے
دشت و دریا سبھی خموش ہوئے
زمزہ سنج و ہمنوا میرے
میں پیمبر تِرا نہیں لیکن
مجھ سے بھی بات کر خدا میرے
ایک اک تارا جانتا ہے مجھے
ہیں سبھی زیبؔ آشنا میرے
زیب غوری
No comments:
Post a Comment