ان کی تجلیوں کا اثر کچھ نہ پوچھیے

ان کی تجلیوں کا اثر کچھ نہ پوچھیے

وہ میرے سامنے تھے مگر کچھ نہ پوچھیے

از شامِ ہجر تا بہ سحر کچھ نہ پوچھیے

کٹتے ہیں کیسے چار پہر کچھ نہ پوچھیے

بجلی جو شاخِ گل پہ گری اس کا غم نہیں

لیکن وہ اک غریب کا گھر کچھ نہ پوچھیے

ہو ایک راستہ تو کوئی ڈھونڈے انھیں

کتنی ہے ان کی راہگزر کچھ نہ پوچھیے

تنکے وہ نرم نرم سے پھولوں کی چھاؤں میں

کیسا بنا تھا باغ میں گھر کچھ نہ پوچھیے

بس آپ دیکھ جائیے صورت مریض کی

نبضوں کا حال دردِ جگر کچھ نہ پوچھیے

جب چاندنی میں آ کے ہوئے تو وہ میہماں

تاروں بھری وہ رات قمرؔ کچھ نہ پوچھیے

استاد قمر جلالوی