فکرِ چمن ہو قیدِ قفس میں
ظرف کہاں یہ اہلِ ہوس میں
اہلِ محبت طے کرتے ہیں
کتنی منازل ایک نفس میں
فکرِ نشیمن کرنے والو
ٹوٹے دلوں کی کتنی صدائیں
ڈوب گئیں آوازِ جرس میں
رات یہاں پر دن کہلائے
جیسی دنیا ویسی رسمیں
کس کو بتائیں، کیسے گزرا
اک اک لمحہ کتنے برس میں
ان کی زباں سے سچ لگتے ہیں
جھوٹے وعدے، جھوٹی قسمیں
جب بھی لیا ہے نام کسی کا
ڈوب گئے لب امرت رس میں
خندۂ گل ہے ان کا تبسم
صبح بہاراں ان کے بس میں
کیفؔی تم بھی قرب کے طالب
فرق کرو کچھ عشق و ہوس میں
زکی کیفی
ذکی کیفی
No comments:
Post a Comment