عارفانہ کلام نعتیہ کلام
میرے خیال کو نسبت ہُوئی مدینے سے
مہک گلاب کی آنے لگی پسینے سے
نبیﷺ کا نام اگر لو تو اس قرینے سے
دعا یہاں سے چلے اور اثر مدینے سے
نبیؐ کے در سے ہی خیراتِ علم ملتی ہے
یہ رزق ملتا ہے سرکارﷺ کے خزینے سے
ہیں اہلبیتِؑ محمدﷺ مثالِ کشتئ نوح
وہ غرق ہو گا جو ہے دور اس سفینے سے
سنا ہے آتشِ دوزخ میں ڈوب جاتا ہے
اُتار دیں جسے آلِؑ نبیﷺ سفینے سے
نبیؐ کی آلؑ سے الفت نہیں تو مر جاؤ
تمہارا مرنا ہی بہتر ہے ایسے جینے سے
نبیؐ کے در کے گداگر رئیس ہیں محسن
سوال ہی نہیں کرتے کسی کمینے سے
محسن نقوی
No comments:
Post a Comment