عارفانہ کلام نعتیہ کلام
جس کی دربارِ محمدﷺ میں رسائی ہو گی
اس کی قسمت پہ فدا ساری خدائی ہو گی
سانس لیتا ہوں تو آتی ہے مہک طیبہ کی
یہ ہوا کوچۂ سرکارﷺ سے آئی ہو گی
روزِ محشر نہ کوئی اور سہارا ہو گا
سب کے ہونٹوں پہ محمدؐ کی دُہائی ہو گی
چاند قدموں پہ گِرا انؐ کا اشارہ جو ہوا
وقت کیسا تھا وہ جب انگلی اٹھائی ہو گی
دل تڑپ جائے گا اے زائرِ بطحا! تیرا
تیری جس وقت مدینے سے جُدائی ہو گی
تجھ سے پوچھا نہ نکیروں نے ظہوری کچھ بھی
قبر میں نعتِ نبیﷺ تُو نے سنائی ہو گی
محمد علی ظہوری
No comments:
Post a Comment