پہلے تو شہر بھر میں مثال آئینے ہوئے
پھر گرد سے سراپا سوال آئینے ہوئے
چہرہ چُھپائے پھرتا ہے گہرے نقاب میں
اک شخص کو تو لَو کی مثال آئینے ہوئے
ہم کو سزا ملی کہ اُجالے تھے آئینے
سو اپنی جاں پہ سارا وبال آئینے ہوئے
پھر یوں ہوا کہ ضبط کی صورت نہیں رہی
اور شہرِ بے نوا کے غزال آئینے ہوئے
جن کے سبب سے ہم ہوئے معتوب شہر میں
اک وقت آ گیا وہ خیال آئینے ہوئے
وہ درد جی اُٹھا کہ گریباں تھے تار تار
وہ رُت اُمڈ پڑی کہ نہال آئینے ہوئے
خالد محمود ذکی
No comments:
Post a Comment