عارفانہ کلام نعتیہ کلام
کس شان سے تھامے ہوئے دامانِ محمدؐ
داخل ہوئے جنت میں غلامانِ محمدؐ
کہتا ہے یہ ارمان حیاتِ ابدی کا
ہو جائیے سو جان سے قربان محمدؐ
جب تک نہ سنائے گا خدا مژدہ بخشش
چھوڑیں گے نہ ہم گوشہ دامانِ محمدؐ
ہر نعمت کونین ہے حضرت کا تصدق
پھر کون نہیں بندہِ احسانِ محمدﷺ
وصف آپؐ کے ہیں عالم ادراک سے باہر
کیا شان ہے کیا شان ہے اے شانِ محمدؐ
جنت کی حفیظ آپ کو تعمیر مبارک
مانگیں گے جگہ ہم پسِ ایوانِ محمدؐ
حفیظ جونپوری
No comments:
Post a Comment