ہر زماں لا الہ الا اللہ

عارفانہ کلام حمدیہ کلام

ہر زماں لا الٰہ الا اللہ

جاوِداں لا الٰہ الا اللہ

ہے عیاں لا الٰہ الا اللہ

ہے نہاں لا الٰہ الا اللہ

آسمان و زمیں ہیں جسم حیات

روح و جاں لا الٰہ الا اللہ

ارض و آفاق و انس و جن محکوم

حکمراں لا الٰہ الا اللہ

تیغ ایماں ہے مردِ مومن کی

اور فساں لا الٰہ الا اللہ

دین و دنیا کاجس میں اوج و شباب

وہ جواں لا الٰہ الا اللہ

بے خطا جس کا تیر ہے بسمل

وہ جواں لا الٰہ الا اللہ  

ذکاءاللہ بسمل