عارفانہ کلام حمد نعت منقبت
مکاں سے لامکاں تک ہے فقط چرچا محمدﷺ کا
گھٹا سکتا نہیں کوئی سنو رتبہ محمدﷺ کا
زمانے سے کیا لینا زمانہ کچھ نہیں دیتا
زمانہ کھا رہا ہے خود یہاں صدقہ محمدﷺ کا
مصیبت سے نکلنا جو کبھی چاہو اگر مومن
لبوں پر ورد ہو ہر دم فقط آقا محمدﷺ کا
رکھو آلؑ محمدﷺ سے محبت کا سبھی رشتہ
نظر آنے لگے گا پھر حسیں جلوہ محمدﷺ کا
صلہ رحمی کوئی سیکھے صلہ رحمی ضروری ہے
سخن شیریں ادب اخلاق ہے تحفہ محمدﷺ کا
کہا بے شک ابوزر نے روایت ہے نسائی کی
پڑھا حضرت عمر نے بھی سنو کلمہ محمدﷺ کا
خدا کے بعد ہے افضل محمدؐ مصطفیٰﷺ بے شک
فرشتوں نے کبھی دیکھا نہیں سایا محمدﷺ کا
غلامان محمدﷺ ہیں اسی پر ناز ہے انجم
زمانہ خود ہوا دیکھو یہاں شیدا محمدﷺ کا
سفر ندیم انجم زہری
ان شاءاللہ کل ہمارے برطانیہ میں عیدالفطر ہے، تمام قارئین کو ان کے ممالک کے لحاظ سے عید کی بہت بہت مبارک ہو۔
No comments:
Post a Comment