کون آیا گیسوؤں کو پریشاں کیے ہوئے
بربادئ نگاہ کا ساماں کیے ہوئے
پھر چاہتا ہوں خنجر قاتل سے ارتباط
دشوارئ حیات کو آساں کیے ہوئے
پھر ساحلِ مراد کی ہے دل کو آرزو
کشتی کو نذر شورشِ طوفاں کیے ہوئے
پھر ہوں تِرے تغافل ظاہر کا شکوہ سنج
جاں کو فدائے پُرسشِ پنہاں کیے ہوئے
پھر ہیں حریمِ ناز سے جلووں کی بارشیں
حیرانئ نگاہ کا ساماں کیے ہوئے
میکش نہیں مجھے مئے و میخانہ کی تلاش
بیٹھا ہوں چشمِ یار سے پیماں کیے ہوئے
میکش بدایونی
رفیق احمد صدیقی
No comments:
Post a Comment