کبھی جو وصل کا وعدہ ترا ظالم وفا ہوتا
لبوں پر آہ ہوتی اور نہ قسمت کا گِلا ہوتا
نقابِ رُخ اٹھا دیتی اگر تُو صحنِ گلشن میں
بڑا احسان مجھ پر تیرا اے بادِ صبا ہوتا
تمنا ہی تمنا میں ہماری زندگی گزری
کبھی تو حالِ دل ظالم ہمارا بھی سنا ہوتا
اگر پیتا نہ میں ساقی تِری ان مست آنکھوں سے
زمانے بھر کی نظروں میں نہایت پارسا ہوتا
سرِ محفل وہ ساغر دے رہے ہیں سب کو اے پیکاں
پلاتے اوک سے تھوڑی سے مجھ کو بھی تو کیا ہوتا
پیکاں چاندپوری
ماسٹر عبدالرشید
No comments:
Post a Comment