جو روشنی تھا پڑاؤ کی آخری شب تک
سُلگ رہا ہے الاؤ کی راکھ میں اب تک
مِرے ہی دل میں تمہیں لوٹنا ہے شامِ ابد
تمہارا تیر یہیں پر گڑا رہے تب تک
کسی بھی خواب کو ناؤ بنا کے جی لوں گی
یہ نیم گرم روانی رگوں میں ہے جب تک
میں گردِ راہ سے کب تک کلام کرتی رہوں
تِرا سکوت گزرتا رہے گا یوں کب تک
اسی میں گھوم رہی ہیں کہانیاں ساری
ذرا سی راہگزر ہے جو روح سے لب تک
بُرا نہ مان ، ذرا سا اِدھر اُدھر جو ہوئی
میں تیری دی ہوئی ترتیب میں سجی اب تک
سُلگ رہا ہے الاؤ کی راکھ میں اب تک
مِرے ہی دل میں تمہیں لوٹنا ہے شامِ ابد
تمہارا تیر یہیں پر گڑا رہے تب تک
کسی بھی خواب کو ناؤ بنا کے جی لوں گی
یہ نیم گرم روانی رگوں میں ہے جب تک
میں گردِ راہ سے کب تک کلام کرتی رہوں
تِرا سکوت گزرتا رہے گا یوں کب تک
اسی میں گھوم رہی ہیں کہانیاں ساری
ذرا سی راہگزر ہے جو روح سے لب تک
بُرا نہ مان ، ذرا سا اِدھر اُدھر جو ہوئی
میں تیری دی ہوئی ترتیب میں سجی اب تک
حمیدہ شاہین
No comments:
Post a Comment