سانحہ نہیں ٹلتا سانحے پہ رونے سے

سانحہ نہیں ٹلتا سانحے پہ رونے سے
حبسِ جاں نہ کم ہو گا بے لباس ہونے سے
اب تو ميرا دشمن بھی ميرى طرح روتا ہے
کچھ گِلے تو كم ہوں گے، ساتھ ساتھ رونے سے
متنِ زيست تو سارا، بےنمود لگتا ہے
دردِ بے نہايت كا آشيانہ ہونے سے
سچے شعر كا كَھليان اور بھرتا جاتا ہے
درد كى زمينوں ميں غم كى فصل بونے سے
حادثاتِ پيہم كا يہ مآل ہے شايد
کچھ سكون ملتا ہے اب سكون كھونے سے
كس ہنر سے ياروں نے، داستاں رقم كر لى
ميرے خون دل ميں ہی انگلياں ڈبونے سے 

پیرزادہ قاسم صدیقی