شامِ بے کیف کو پُر کیف بنانے والے
مل ہی جاتے ہیں حکایت کو سنانے والے
کوزہ گر خون بھی مٹی میں ملا لایا ہے
آج یہ ہاتھ ہیں کچھ خاص بنانے والے
آنکھ میں ایک بھی آنسو نہیں رہنے دیتے
اب اندھیروں میں بھٹکتے ہیں تو یاد آتے ہیں
وہ سرِ شام چراغوں کو جلانے والے
بے خبر ہیں کہ سفینے کی کہانی کیا ہے
دور ساحل پہ کھڑے ہاتھ ہلانے والے
در و دیوار سے حسرت سی برستی ہے قتیلؔ
جانے کس دیس گئے پیار نبھانے والے
قتیل شفائی
No comments:
Post a Comment