باہم جو ہوں وہ حسن ہنر فام اور میں

باہم جو ہوں وہ حسنِ ہنر فام اور میں

کھلتے ہیں وحشتوں کے در و بام اور میں

ہیں بزمِ ہاؤ و ہو سے ادھر محوِ گفتگو

طاقِ خرد میں جلتی ہوئی شام اور میں

تجھ سے بچھڑ کے آ گئے کتنے قریب دیکھ

تیرے ستم، یہ عشق کے الزام، اور میں

ممکن ہے کھل ہی جائیں سرِ لمحۂ وصال

سارے نبود و بود کے ابہام اور میں

تم جان لو کہ جان سے تم بھی گئے تھے پھر

چلتا تمہارے ساتھ جو دو گام اور میں

سجاد بلوچ