عارفانہ کلام منقبت سلام مرثیہ بر امام عالی مقام
کوئی چراغِ تخیل نہ میری راہ میں رکھ
بس اک سلام کا گوہر میری کلاہ میں رکھ
اگرچہ تُو کسی سچائی کا مؤرخ ہے
یزیدِ عصر کو بھی دفترِ سپاہ میں رکھ
بکھیر صفحۂ قرطاس پر لہو کے حروف
سمجھ سکے جو شہیدانِ حق کی تاجوری
جبینِ عجز کو تُو خاک پائے شاہ میں رکھ
علیؓ کے سجدۂ آخر سے حلقِ اصغر تک
ہر ایک تیرِ ستم مرکزِ نگاہ میں رکھ
وہی امامِ زماں جو ہیں سب پہ سایہ فگن
انہیں کے سایۂ دستار کی پناہ میں رکھ
مجھے وہ حریتِ فکر بھی دے حُر کی طرح
پھر اس کے بعد اسی لشکر و سپاہ میں رکھ
سلام و مرثیہ و نعت لے کے حاضر ہوں
انہیں کا بندہ سمجھ اپنی بارگاہ میں رکھ
تِرا یہ شاعر نقاشؔ تو ہے ذرۂ خاک
اسے غبار بنا کہ مہر و ماہ میں رکھ
نقاش کاظمی
No comments:
Post a Comment