یہ کس طرح کے ملے خواب میں اِشارے مجھے
وہ جیسے دُور بہت دُور سے پُکارے مجھے
تم اس کو میری ضرورت کہو یا ضد کہہ لو
بگڑ گیا ہوں، کوئی آن کے سنوارے مجھے
میں کر چکا ہوں محبت کے نام سے توبہ
میں مر چکا ہوں، کوئی دار سے اتارے مجھے
یہ انتظار کا دریا،۔ وفا کا شہر اُدھر
بٹھا کے بُھول گیا ہے کوئی کنارے مجھے
بس اک نظر پہ خیالوں کے سلسلے برہم
یہ رنگ ڈھنگ ہی بھاتے نہیں تمہارے مجھے
بہزاد برہم
No comments:
Post a Comment