کسی کو قتل کرنا ہو چُھری کی کیا ضرورت ہے
ملاوٹ دودھ میں کر دو زہر کا کام کر دے گی
ملاوٹ سے ہی کاٹو گے دوا خانے کے چکر تم
تمہاری صحت کا پہیہ یہ ایسا جام کر دے گی
وقت سے پہلے چکھ لو گے مزہ تم موت کا ایسے
مرو گے تو بیماروں میں تمہارا نام کر دے گی
جو مرنا ہو کبھی تم کو، کبھی بھی زہر نہ کھانا
کہ جعلی زہر کی شیشی تمہیں ناکام کر دے گی
ملاوٹ میں جیۓ ہیں تو ملاوٹ سے مریں گے ہم
نہ تھا معلوم جیون سے یہ نفرت عام کر دے گی
ملاوٹ باتوں میں اور ملاوٹ رشتے ناطوں میں
تمہیں معلوم تھا قیصر یہ سچ بدنام کر دے گی
فاروق قیصر
المعروف انکل سرگم
No comments:
Post a Comment