عارفانہ کلام نعتیہ کلام
اے بقا چارۂ درد کیا چاہیۓ
شہرِ خیرالوریٰؐ کی ہوا چاہیۓ
خاکِ بطحا پہ سجدے کی ہے آرزو
کوئے طیبہ میں رہنے کو جا چاہیۓ
میں کہاں اور کہاں مدحِ شمس الضحیٰؐ
میرے لفظوں کو ان کی ضیاء چاہیۓ
ذکرِ سرکارﷺ ہو میرے وِردِ زباں
بس یہی دولتِ دو سَرا چاہیۓ
اے حبیبِؐ خدا، سرورِ انبیاءﷺ
بس شفاعت کا اک آسرا چاہیۓ
گنبدِ سبز کا سایہ مل جائے تو
بے نوا کو بھلا اور کیا چاہیۓ
بقا بلوچ
No comments:
Post a Comment