اک عمر سے غم ہیں مری جاگیر مسلسل

 اک عمر سے غم ہیں مِری جاگیر مسلسل

تقدیر سے ہاری مِری تدبیر مسلسل

ہوتی ہے مِرے جرم کی تشہیرمسلسل

اور لگتی ہے تعزیر پہ تعزیر مسلسل

میں وقت کے ہاتھوں میں کھلونے کی طرح ہوں

اور، کھیلی ہے مجھ سے مِری تقدیر مسلسل

چھن چھن کی صائیں مجھے سونے نہیں دیتیں

ہے کون ہلاتا مِری زنجیر مسلسل

میں رہ میں پڑے گول سے کنکر کے مساوی

ٹھوکر پہ جسے رکھتے ہیں رہگیر مسلسل

محدود رہے خواب مِرے خواب تلک بس

جھوٹی پڑی ہر خواب کی تعمیر مسلسل

دُکھ ہے کہ وہی لوگ مٹاتے رہے جن کا

حق تھا کہ اٹھاتے مِری تعمیر مسلسل

خوددار اٹھاتے ہیں یہاں روزخسارے

اور لطف اٹھاتے ہیں یہ کفگیر مسلسل

اک عمر ہوئی رنج و آلام کو لکھتے

اب مجھ سے نہیں ہوتے یہ تحریر مسلسل

جس سمت سے گل پاشی کی امید تھی الفی

آتے ہیں اسی اور سے یہ تیر مسلسل

افتخار حسین الفی