سبیل شاہ لگا کر مزید رونا ہے

عارفانہ کلام منقبت سلام مرثیہ بر شہدائے کربلا

سبیلِ شاہؑ لگا کر مزید رونا ہے

کسی کی پیاس بُجھا کر مزید رونا ہے

جلوس میں تھا سو اک یاد آ گیا منظر

زمیں سے پھول اٹھا کر مزید رونا ہے

تمام رات تِرے غم میں رونے والوں نے

ابھی چراغ بُجھا کر مزید رونا ہے

خیال کرنی ہے بھائیؑ سے بھائیؑ کی رخصت

علَم علَم سے ملا کر مزید رونا ہے

جو تجھ سے دور ندامت میں رو رہا ہے اسے

تِری پناہ میں آ کر مزید رونا ہے

تجمل کاظمی