محفل دل سے مرا واحد شناسا بھی گیا

 محفلِ دل سے مِرا واحد شناسا بھی گیا

رائیگانی ہے کہ ہاتھوں سے خسارا بھی گیا

پہلے اس گھر سے مجھے گھر سی محبت دی گئی

پھر اسی گھر سے مجھے آخر نکالا بھی گیا

چھوڑ کر جاتے ہوئے سب نے دلاسہ بھی دیا

زخم دے کر میرے دل کو پھر کریدا بھی گیا

ایک یہ ہی تو حوالہ تھا مِرا اس شہر میں

کیا ستم ہے زندگی سے یہ حوالہ بھی گیا

آنکھ میں آنسو لیے جب کچھ مسافر چل دئیے

جانے والوں میں تِرا اپنا اسامہ بھی گیا

اسامہ گلزار