ہاتھوں میں لیے دل کے نذرانے نظر آئے
یوں بھی تِری راہوں میں دیوانے نظر آئے
فرزانوں کی بستی میں دیوانے نہیں دیکھے
دیوانوں کی بستی میں فرزانے نظر آئے
کلیوں کے چٹکتے ہی یہ کیسی فضا بدلی
دامن میں گلستاں کے ویرانے نظر آئے
ماضی کے دھندلکوں میں، میں کھو سا گیا اکثر
ایسے بھی رسالوں میں افسانے نظر آئے
گزرے نہ جلیلؔ ایسے حالات سے دشمن بھی
جانے ہوئے ساتھی بھی انجانے نظر آئے
جلیل الہ آبادی
No comments:
Post a Comment